Fóstureyðing

Öfgafullir vinstrimenn halda því fram að fóstur sé eign konunnar og þess vegna ætti hún að fá að ráðstafa þessari eign sinni eins og hún vill. Þannig ætti hún sjálf að ráða því hvort hún selur eignina eða hendir henni í ruslið. Samkvæmt þessari heimspeki, þá ætti barnið líka að vera eign konunnar og hún því geta selt barnið eða hent því í ruslið.

Staðreyndin er auðvitað sú að fóstur er ekki eign konunnar, heldur lifandi vera sem konunni er falið að fóstra. Það er síðan samfélagið sem setur reglurnar fyrir meðgöngunni. Ef samfélagið ákveður að það megi ekki drepa fóstur, þá er það glæpur að drepa fóstur. Ef samfélagið ákveður að konur megi hvorki reykja né drekka á meðgöngunni, þá er það glæpur að reykja eða drekka á meðgöngunni.

Eina raunverulega spurningin er einungis hvenær samfélagið vill að konunni sé heimilt að láta drepa fóstrið.

Ég held að allir séu sammála að það sé of seint að leyfa konunni að gera það við fæðingu. En fæðing er ekki bundin við 9 mánuði, fæðing getur átt sér stað miklu fyrr. Þannig að raunverulega er hér verið að segja að fóstureyðing megi ekki fara fram eftir að fóstur getur lifað án móðurkviðar.

Þungunarrof verði heimilt út 22. viku