Hengjum þá út og brennimerkjum

Það er auðvitað mikilvægt að reyna að koma í veg fyrir afbrot áður en þau eru framinn.

Þannig að ef nefnd skipuð sérfræðingum gæti vísað okkur á þá sem eru líklegir eru til þess að brjóta af sér væri hægt að koma í veg fyrir glæpi.

Dæmdir glæpamenn eru auðvitað alltaf líklegir til þess að brjóta aftur af sér, þannig að þeir koma sjálfkrafa á listann.

En í staðinn fyrir að brennimerkja viðkomandi væri kannski mannúðlegra að krefjast þess að viðkomandi bæri stjörnu utan klæða. Þannig gætu líklegir barnaníðingar borið gula stjörnu, líklegir morðingjar rauða stjörnu, líklegir nauðgarar græna stjörnu og líklegir fjárglæframenn bláa stjörnu.

Þeir sem væru líklegir til margra voðaverka myndu auðvitað bera marglita stjörnu.

Auðvitað myndi þetta vera erfitt fyrir viðkomandi, fjölskyldu og vini en ef þetta yrði til dæmis til þess að bjarga einu barni frá klóm barnaníðings er það þá ekki þess virði?

Níðingar geti ekki farið huldu höfði

Börn fá kosningarétt.

Alþingi ætlar að veita börnum kosningarétt, enda eru börn oft töluvert skynsamari en sumir þeirra sem sitja á Alþingi.

Vandamálin sem fylgja því að börn fái kosningarétt eru fyrst og fremst tengd því að börn eru ekki sjálfráða.

Þannig eru það foreldrarnir sem í raun og veru bera ábyrgð á því að barnið kjósi rétt.

Eftirfarandi spurningar koma strax upp í hugann:

Á foreldri að neita barninu sínu um að kjósa ef það er augljóslega að fara að kjósa vitlaust?

Ef foreldrarnir eru á öndverðum meiði á þá barnið að kjósa Miðflokkinn sem málamiðlun?

Verður annað eða báðir foreldrar að vera viðstödd í kjörklefanum þegar barnið kýs?

Frumvarp um kosningaaldur til þriðju umræðu

Nema þegar börn eru fullorðin.

Börn eru alltaf börn, nema þegar börn eru fullorðin.

Börn eru alltaf börn